Nú er það ljóst að við getum aftur tekið á móti nemendum grunndeildar í staðkennslu og hefst hún samkvæmt stundaskrá fimmtudaginn 15. apríl. Við höldum áfram að gæta vel að sóttvörnum og biðjum alla nemendur og foreldra að leggja sitt af mörkum til að vel gangi.
Hlökkum til að sjá ykkur aftur!
Við ætlum að hefja kennslu á morgun miðvikudag 7. apríl en ekki í dag eins og áður var tilkynnt – kennslunni verður háttað sem hér segir.
GRUNNDEILD:
Eins og við skiljum reglugerðina megum við ekki fá grunndeildarnemendur til okkar í sal fyrr en vonandi 15. apríl þegar ný reglugerð tekur gildi. Við ætlum að kanna þetta betur og látum vita ef það breytist en þangað til verðum við með fjarkennslu fyrir nemendur og ættu hóparnir að heyra frá frá sínum kennurum með það fyrirkomulag. Ef við fáum grænt ljós á að byrja aftur í sal fyrr en ætlað er þá látum við vita af því.
FRAMHALDSDEILD:
Reglugerðin leyfir okkur að hafa tíma í sal EN með ítrustu sóttvörnum eins og við erum orðin nokkuð vön. Það eru því 2 metrar á milli allstaðar og alltaf þegar það er hægt, grímur í öllum sameiginlegum rýmum innan skólans, pössum sérstaklega vel einstaklingsbundnar sóttvarnir, handþvottur, spritt etc etc… Gerum þetta saman og vöndum okkur!
Nú er ljóst að staðkennsla er óheimil frá miðnætti í kvöld og fram yfir páska amk.
Við þurfum því að fara yfir eitt og annað varðandi dagatalið og skólastarfið næstu vikur og munum við senda út póst um næstu skref seinni partinn á morgun.
Þau sem kjósa að vera heima í dag gera það – farið vel með ykkur og hvert annað
Næstkomandi sunnudag verður hin árlega SOLO keppni haldin í Borgarleikhúsinu en þar gefst ungum listdansnemendum færi á að spreyta sig á klassískum sólóum úr hinum ýmsu verkum ballettbókmenntanna.
Hægt er að kaupa aðgang að beinu streymi HÉR og við hvetjum að sjálfsögðu alla áhugasama nemendur sem og annað ballettáhugafólk til að fylgjast með þessum efnilegu nemendum. Keppnin hefst klukkan 15 og tekur um 1-1,5 klukkustund.
Benedikt Gylfason nemandi okkar dansaði í úrslitum sænsku keppninnar 2019 og hlaut sérstök verðlaun
Að þessu sinni eru 17 ungir dansarar skráðir til keppni en auk þeirra dansa tvær stúlkur sem halda sínum keppnisrétti frá í fyrra þar sem keppnin útí Svíþjóð féll niður vegna Covid. Tólf nemendur Listskóla Íslands taka þátt auk nemenda frá Klassíska listdansskólanum .
Keppnin hér heima er undankeppni fyrir ballettkeppni í Svíþjóð þar sem saman koma nemendur frá norðurlöndum og baltnesku löndunum. Keppnin hefur undanfarna áratugi verið haldin í “Dalarna” í Svíþjóð, hét lengi Stora Daldansen og seinna Nordic, baltic ballet competition en næsta sumar verður keppnin haldin undir nýju nafni Prix du Nord, á nýjum stað í Gautaborg. Ef Covid leyfir þá verður keppnin úti haldin um miðjan júní. “Vi håller tummarna” eins og svíar segja.
Það er Félag íslenskra listdansara sem hefur yfirumsjón með skipulagi keppninnar hér heima en auk þess koma þátttökuskólarnir að undirbúningi.
Þegar þetta er skrifað eru örfáir miðar eftir í sal en takmarkað magn miða er í sölu vegna Covid. https://tix.is/is/event/10922/solo-undankeppni-grand-prix-du-nord/
Nú erum við byrjuð að taka við nemendum í prufutíma fyrir vorönn 2021 og hvetjum við alla áhugasama nemendur um að skrá sig í gegnum skráningarformið hér fyrir ofan. Inná þeirri síðu má líka finna nánari upplýsingar um hvernig prufutímarnir og ferlið ganga fyrir sig.
Við viljum bjóða yngri árgangana (2009-2011) sérstaklega velkomin en annars eru prufutímar almennt opnir öllum áhugasömum dönsurum.
Gleðilegt nýtt ár öll sömul – nú rúllum við af stað með vorönn 2021. Starfsdagur kennara verður mánudaginn 4. janúar og svo hefst kennsla samkvæmt stundaskrá þriðjudaginn 5. janúar.
Það urðu einhverjar breytingar á stundaskrá hjá flestum ef ekki öllum hópum svo við biðjum ykkur að skoða töfluna vel en hana má finna undir flipanum Stundaskrá & skóladagatal hér fyrir ofan.
Nú hyllir vonandi undir lokin á þessum blessaða faraldri en við höldum áfram að fylgjast vel með og aðlaga okkur aðstæðum hverju sinni.
Frekari upplýsingar um framhaldið koma svo í tölvupósti fljótlega
Hlökkum til að sjá ykkur!
Skólastjóri
Það er komið að síðasta myndbandinu í jóladagatalinu okkar og hér höfum við fengið tvo nemendur, annan núverandi og hinn fyrrverandi til þess að syngja fyrir okkur meðan við rifjum upp öll myndböndin úr dagatalinu. Matthildur Sveinsdóttir og Benedikt Gylfason syngja fyrir okkur en Benedikt sá einnig um hljóðvinnsluna.
Þetta er jólakveðja okkar til ykkar – Gleðileg jól og farsælt komandi ár – nú taka vonandi bjartari tímar við
Vonandi eru áhorfendur jóladagatals búnir að pakka inn flestum, ef ekki öllum gjöfunum. Annars fundum við þessa duglegu jólapakka-pakkara í Listdansskólanum sem eflaust geta hjálpað eitthvað til.
Í jóladagatalinu í dag fáum við aftur að sjá brot úr jólasýningunni sem aldrei varð – þrír sólóar sem hér eru settir við tónlist úr Hnotubrjótnum. Nemendur nútímadeildar dansa.
Norðurljós, dulúðleg, dansandi um himininn með fljótandi hreyfingum. Ekki endilega tengd jólunum en svo sannarlega vetrinum og oft sjást þau á vetrarhimni um jól. Nemendur af klassískri braut framhaldsdeildar dansa.
