Inntökupróf 4. maí 2019

Inntökupróf fyrir grunn- og framhaldsdeild eru haldin á vorin, yfirleitt í apríl/maí og verður næsta inntökupróf haldið laugardaginn 4. maí.
 Þess utan eru efnilegir nemendur sem verið hafa áður í ballet eða öðrum dansi stundum teknir inn eftir prufutíma snemma annar.  
Nemendur þurfa ekki að undirbúa neitt fyrir inntökupróf heldur bara mæta og fylgja leiðbeiningum kennara. Í inntökuprófi erum við að skoða hluti eins og hvernig nemendur hreyfa sig með tónlist, hvernig þeim gengur að læra æfingar, leikræna tjáningu, auk þess sem við skoðum styrk og liðleika 

Í prufutímum mátum við nemendur inní hópa í skólanum og skoðum hvernig þeim gengur að halda í við hópinn. Nemendur mæta með hópnum í nokkur skipti eða þar til annað er rætt. Þannig fá nemendur bæði tækifæri til að máta sig í hópinn og við tækifæri til að skoða hvernig nemandi ræður við námið. 

Áhugasamir nemendur eru beðnir um að fylla út RAFRÆNA SKRÁNINGU og í framhaldi sendum við svo tölvupóst með frekari upplýsingar varðandi inntökupróf eða prufutíma.