All posts by listdansskoliislands

Jóladagatal 15. desember

Þessir fordæmalausu tímar sem við lifum urðu til þess að við þurftum að fella niður bæði vor og jólasýningu skólans þetta árið. Þetta stutta brot sem við sjáum í dagatalinu í dag hefði verið hluti af stærra verki nútímadeildarinnar á jólasýningunni sem aldrei varð. Gaman að geta þó sýnt þetta hér.

Jóladagatal 13. desember

Þann 13. desember halda frændur okkar svíar uppá Luciu hátíðina með fallegum söng og kertaljósi. Loforð og von um að brátt taki að birta á ný en Lucia færir fólki ljós í myrkrinu.
Nemendur 5. stigs dansa hér við þetta þekkta lag um dýrlinginn Sankti Luciu.

Jóladagatal 12. desember

Við brugðum okkur uppá fjall á dögunum þar sem við hittum fyrir þessa jólasveina en þeir voru á einhverjum flækingi svona áður en þeir þurftu að fara að týnast niður til byggða.
(Texti: Jólasveinar eftir Jóhannes úr Kötlum)

Jóladagatal 9. desember

Skreytum hús með grænum greinum – falalalala lalalala….
Já eða bara hvaða jólaskrauti sem við finnum í geymslum Listdansskólans. Sumu þarf að dytta að en annað ratar beint á sinn stað. Nemendur 4. stigs eru skreytingarmeistarar þetta skiptið.

jóladagatal 8. desember

Í dag ætlum við að kíkja á atriði af jólasýningu skólans 2016. Þá veltum við upp spurningunni hvernig jólasveinarnir haldi sér í formi alla hina mánuði ársins sem þeir eru ekki að sinna börnunum. Svarið má finna í þessu atriði strákahópsins á jólasýningu 2016 🙂